अहमदाबाद | १२ जून २०२५: अहमदाबादहून गॅटविककडे जाणारे एअर इंडियाचे AI-171 हे B787 विमान आज दुपारी टेकऑफनंतर काही क्षणातच कोसळले. या भीषण अपघातात विमानातील २४२ प्रवाशांचा जीवित धोक्यात आहे. विमानात २ वैमानिक व १० केबिन क्रू सदस्यांसह एकूण २४२ जण प्रवास करत होते.
विमानाचे अधिपत्य कॅप्टन सुमीत सभरवाल यांच्याकडे होते, जे ८२०० तासांचा अनुभव असलेले वरिष्ठ वैमानिक आहेत. त्यांच्यासोबत क्लाईव्ह कुंदर हे ११०० तासांचा अनुभव असलेले सहवैमानिक होते.
दुपारी १ वाजून ३९ मिनिटांनी (१३:३९ IST), AI-171 विमानाने अहमदाबाद विमानतळावरील रनवे २३ वरून उड्डाण केले. काही क्षणांतच “मेडे कॉल” देण्यात आला; परंतु त्यानंतर विमानाने एटीसीच्या कोणत्याही संपर्कास प्रतिसाद दिला नाही.
उड्डाणानंतर काही मिनिटांतच विमान विमानतळाच्या बाहेरील परिसरात कोसळले. अपघातस्थळी दाट काळा धूर उसळत असल्याचे प्रत्यक्षदर्शींनी सांगितले. अग्निशमन दल व बचाव पथके घटनास्थळी दाखल झाली असून बचावकार्य सुरू आहे.
DGCA (नागरी विमान वाहतूक महासंचालनालय) ने या घटनेची सखोल चौकशी सुरू केली असून, या भीषण अपघातामागील कारणे अद्याप अस्पष्ट आहेत
