मुंबई : मोठी बातमी समोर येत आहे. राज्य एसटी बँकेच्या निवडणुकीवर आक्षेप घेण्यात आला आहे. काही दिवसांपूर्वी एसटी बँकेची निवडणूक झाली होती. या निवडणुकीचा निकाल सोमवारी लागला. या निवडणुकीत ॲड. गुणरत्न सदावर्ते यांच्या एसटी कष्टकरी जनसंघ पॅनलने एकतर्फी विजय मिळवला. मात्र आता ही निवडणूक रद्द करण्याची मागणी आता करण्यात आली आहे.
या निवडणुकीत मतदारांना नोटाचा पर्याय दिला नसल्यानं निवडणुकीवर आक्षेप घेण्यत आला आहे. मतदारांना नोटाचा पर्याय दिला नसल्यानं ही निवडणूक रद्द करावी अशी मागणी करण्यात आली आहे. प्रभाकर पी. गोपनारायण या एसटीच्या सेवानिवृत्त कर्मचाऱ्यानं ही मागणी केली आहे. या मगणीची प्रत एसटी महामंडळाच्या उपमहाव्यवस्थापक, सनियंत्रण समिती क्र. ३ च्या मेलवर पाठवण्यात आली आहे. या मागणीवर आता काय निर्णय घेतला जाणार? ही निवडणूक रद्द होणार का हे पहाणं महत्त्वाचं ठरणार आहे
या निवडणुकीमध्ये गुणरत्न सदावर्ते यांच्या एसटी कष्टकरी जनसंघ पॅनलने एकतर्फी विजय मिळवला आहे. सर्व १९ जागांवर या पॅनलचे उमेदवार विजयी झाले. सदावर्ते यांच्या पॅनलच्या या विजयामुळे सर्वत्र चर्चांना उधाण आले होते, की सदावर्ते यांच्या मार्गदर्शनाखाली चाललेल्या मोर्चामुळे ST कामगारांना जीव गमवावा लागला त्यांचे नुकसान झाले असे असतांना सदावर्ते यांनी काशिकाय निवडणूक जिंकली असे बोलले जात होते आणि आता ही निवडणूक रद्द करावी आशी मागणी केली जात आहे.
