सांगली : विहिरीत पडलेल्या आपल्या पुतणीला वाचविण्यास गेलेल्या काकाचाही दुर्दैवी मृत्यू झाला आहे.
सांगली जिल्ह्यातील कवठेमहांकाळ तालुक्यातील अग्रण धुळगाव गावातील रहिवाशी आलेले मनोज भास्कर शेसवरे (वय ४३) आणि सौंदर्या वैभव शेसवरे अशी मृतांची नावे आहेत, काका-पुतणीच्या मृत्यूनंतर कुटुंबावर दु:खाचा डोंगर कोसळला असून या घटनेने तालुक्यात हळहळ व्यक्त केली जात आहे.
अग्रण धुळगाव येथील शेसवरे मळा येथे राहत असलेली सौंदर्या आणि तिची आई घराच्या पाठीमागे असलेल्या त्यांच्या विहिरीमध्ये पाणी आणण्यासाठी गेल्या होत्या. पाणी आणण्यासाठी माय-लेकी दोघीही विहिरीत उतरल्या. विहिरीत उतरलेल्या सौंदर्याने कळशीत पाणी भरले आणि वर येत असतानाच अचानक पाय घसरला आणि ती विहिरीत पडली. काही समजण्याच्या आतच ती विहिरीत पडल्याने सौंदर्याच्या आईने आरडाओरडा करत मुलीला वाचवण्यासाठी हाका देऊ लागल्या.
हा आरडाओरडा एकूण जवळच असलेले सौंदर्याचे चुलते मनोज शेसवरे हे विहिरीकडेला धावत आले. सौंदर्या विहिरीत पडलेली पाहून त्यांनी तिला वाचवण्यासाठी विहिरीत उडी घेतली आणि तिला पाण्याबाहेर काढले. सौंदर्याला उचलून पाण्याबाहेर घेऊन येत असताना मनोज यांचा पाय घसरला आणि दोघेही पुन्हा पाण्यात पडले. घाबरलेल्या सौंदर्याने मनोज यांना पाण्यामध्ये घट्ट मिठी मारली. यामुळे मनोज यांना हातपाय हलवता आले नाही त्यामुळे.
मनोज यांचा दम छाटल्याने दोघेही पुन्हा पाण्यात बीडाले ते वर येऊ शकले नाही त्यामुळे दोघांचाही मृत्यू झाला आहे.
