मुंबई : खा.किरीट सोमय्या (kirit somaya) यांच्या त्या कथित व्हिडीओ मुळे राज्यात खळबळ उडाली आहे, त्यावरून आता उलटसुलट प्रतिक्रिया येऊ लागल्या आहेत, शिवसेनेच्या उपनेत्या सुषमा आंधारे यांनी आता थेट bjp वर आरोप केले आहेत, महाराष्ट्राच्या हिताच्या निर्णयात bjp ( bhartiy janta party) अपयशी ठरल्याने दिशाभूल करण्यासाठी भाजपा ने हा खेळ रचला असल्याच सुषमा आंधारे यांनी म्हंटल आहे त्यांनी फेसबुकवर पोस्ट सुद्धा केली आहे.
सुषमा आंधारे यांची जशास तशी पोस्ट खालीप्रमाणे आहे
किरीट सोमय्या धुतल्या तांदळाचे नाहीच आहेत. किंवा त्याचे समर्थन करण्याचा तर प्रश्न अजिबातच उद्भवत नाही. मागे एकनाथ खडसे यांनी, ” माझ्यावर ED लावणाऱ्यांच्या सीडी माझ्याकडे आहेत”, असे म्हटले होते. हा संदर्भ सुद्धा तितकाच महत्त्वाचा.
पण मुद्दा वेगळाच आहे.
… भाजपने मोठ्यात मोठी प्रकरण लिलया जिरवून टाकली. पण सोमयाचा व्हिडिओ आत्ताच का यावा?
महाराष्ट्रहिताच्या प्रश्नांवर सपशेल अपयशी ठरलेली भाजपा आमदार खरेदीविक्री, पक्ष फोडाफोडी,
या सगळ्या पार्श्वभूमीवर अधिवेशनाला वेगळं वळण देण्यासाठी भाजपाने किरीट सोमय्यांचा बळी दिलाय.
भाजपने किरीटच्या माध्यमातून ज्या ज्या लोकांवरती बेछूट आरोप केले ते सगळेच लोक आता भाजपच्या वळचणीला आहेत. या सगळ्या लोकांना जर शुद्ध चारित्र्याचे आणि खरे ठरवायचे असेल तर; त्यांच्यावर आरोप करणाऱ्या किरीट ला उघडे पाडलेच पाहिजे ही भाजपाची गरज आहे.
पाश्चात्य विचारवंत जेरेमी बेंथम म्हणतो त्याप्रमाणे, “उपयोगितावादाच्या सिद्धांतानुसार ज्याची गरज संपते त्याला उचलून फेकून देतात!”
भाजपा उपयुक्ततावादी सिद्धांताचा पुरेपूर वापर सातत्याने करत आलीय. किरीट त्याचंच एक उदाहरण..!
