पुणे : हादरले शतकातील धक्कादायक घटना समोर आली आहे. एसटी महामंडळाच्या शिवशाही बसमध्ये प्रवासी तरुणीवर बलात्कार झाल्याची घटना घडली आहे. या घटनेने परिसरात एकच खळबळ उडाली आहे. स्वारगेट एस टी स्टँड आवारात ही घटना घडली असून या प्रकरणी एकाला ताब्यात घेण्यात आले आहे.
स्वारगेट बस डेपोत उभ्या असलेल्या शिवशाही बसमध्ये २६ वर्षीय तरुणीवर बलात्कार झाल्याचे समोर आले आहे.
मिळालेल्या माहितीनुसार, पीडित तरुणीला बळजबरीने बसमध्ये ओढून नेले आणि तिथे तिच्यावर अत्याचार करण्यात आले. ही सर्व घटना मंगळवारी रात्रीच्य घडल्याचे समोर आले असून पोलिसांनी रात्रीच एका संशयित आरोपीला ताब्यात घेतले आहे आणि त्याची चौकशी सुरू आहे.
मंगळवार रात्री महिला शिवशाही बसच्या जवळून जात असताना तिला संशयित आरोपीने बळजबरीने आत ओढून घेतले असल्याची माहिती सूत्रांनी दिली आहे. गेल्या काही दिवसांपासून पुण्यात गुन्हेगारीच्या घटनांत वाढ होताना दिसत आहे. मात्र, या प्रकारामुळं पुण्यातील महिलांच्या सुरक्षेचा प्रश्न पुन्हा एकदा ऐरणीवर आला आहे. या प्रकरणात आणखी कोणी सहभागी आहे का? याचा तपासदेखील पोलिस करत आहेत.
दरम्यान महिलांच्या सुरक्षेचा प्रश्न राज्यात तीव्र होताना दिसत आहे त्याची तीव्रता कधी कमी होणार हा महत्वाचा प्रश्न आहे.
